🌸 💙💙💙💙💙💙💙 🌸
МОЛИТВА ПРЕПОДОБНОМУ ГЕРМАНУ СОЛОВЕЦКОМУ ЧИТАЕМАЯ В ДЕНЬ ПАМЯТИ 12 АВГУСТА
Тропарь, глас 8
Жела́нием духо́вным от ю́ности распаля́емь, преподо́бне Ге́рмане, Христу́ те́сным жития́ путе́м после́довал еси́ и, в морски́й пусты́нный о́стров, а́ки в ти́хое приста́нище, всели́вся, в нем мно́га ле́та по́стнически пожи́л еси́, иде́же блаже́нным отце́м Зоси́ме и Савва́тию сожи́тель был еси́, с ни́миже моли́ Христа́ Бо́га о нас, любо́вию чту́щих святу́ю па́мять твою́.
Ин тропарь, глас 8
Украси́вся, прему́дре, по́стническим житие́м, спо́стник был еси́ и сожи́тель в морсте́м ото́це преподо́бным отце́м Зоси́ме и Савва́тию, сподвиза́вся в моли́твах, и труде́х, и в поще́ниих, преподо́бне о́тче Ге́рмане, но, я́ко име́я дерзнове́ние к Бо́гу, моли́ изба́вити нас от враг и спасти́ ду́ши на́ша.
Кондак, глас 4
Вы́шних жела́я, вся до́лу влеку́щая возненави́дел еси́ и, оте́чество свое́ оста́вль, в помо́рие пусты́нное отше́л еси́, та́же в морски́й о́стров удали́вся, в нем мно́га ле́та Го́сподеви порабо́тал еси́. Те́мже, па́мять твою́ пра́зднующе, любо́вию вопие́м ти: ра́дуйся, Ге́рмане Богому́дре, о́тче наш.
Величание
Ублажа́ем тя, преподо́бне о́тче Ге́рмане, и чтим святу́ю па́мять твою́, наста́вниче мона́хов и собесе́дниче а́нгелов.
