🌸 💙💙💙💙💙💙💙 🌸
МОЛИТВА ПРЕПОДОБНЫМ СИМЕОНУ И ИОАННУ ЧИТАЕМАЯ В ДЕНЬ ПАМЯТИ 3 АВГУСТА
Тропарь, глас 4
Бо́же оте́ц на́ших, творя́й при́сно с на́ми по Твое́й кро́тости, не отста́ви ми́лость Твою́ от нас, но моли́твами их в ми́ре упра́ви живо́т наш.
Кондак, глас 2
Во пло́ти я́вльшася безпло́тнаго и доброде́тельми преми́рно просия́вшаго, Симео́на равноа́нгельнаго и богоно́снаго восхва́лим, с ни́мже Иоа́нна при́снопамятнаго, ве́рою и любо́вию, я́ко моля́щияся Го́споду непреста́нно о всех нас.
Ин кондак, глас 8
Христо́вою любо́вию распала́еми, сла́внии, вся, я́же в житии́, преподо́бнии, оста́висте и, яре́м Его́ прие́мше и свой крест на ра́мо взе́мше, подража́тели Того́ житию́ бы́сте и Боже́ственныя Его́ сла́вы прича́стницы, Иоа́нне Богому́дре с Симео́ном чу́дным, непреста́нно моли́теся о всех нас.
Величание
Ублажа́ем вас, преподо́бнии отцы́ Симео́не и Иоа́нне, и чтим святу́ю па́мять ва́шу, наста́вницы мона́хов и собесе́дницы а́нгелов.
