🌸 💙💙💙💙💙💙💙 🌸
МОЛИТВА ПРЕПОДОБНОМУ СИСОЮ ВЕЛИКОМУ ЧИТАЕМАЯ В ДЕНЬ ПАМЯТИ 19 ИЮЛЯ
Тропарь, глас 1
Пусты́нный жи́тель, и в телеси́ Áнгел, и чудотво́рец яви́лся еси́, Богоно́се о́тче наш Сисо́е, посто́м, бде́нием, моли́твою Небе́сная дарова́ния прии́м, исцеля́еши неду́жныя и ду́ши ве́рою притека́ющих ти. Сла́ва Да́вшему тебе́ кре́пость, сла́ва Венча́вшему тя, сла́ва Де́йствующему тобо́ю всем исцеле́ния.
Ин тропарь, глас 2
Плотски́я стра́сти умертви́в воздержа́нием, ми́ру распя́лся еси́ и, в пусты́ни живы́й, всех по́хотей отсече́нием Áнгел земны́й и Небе́сный челове́к показа́лся еси́, сего́ ра́ди тя, я́ко наста́вника и́ноком, пое́м, Сисо́е о́тче наш, и про́сим: моли́ Христа́ Бо́га, да спасе́т ду́ши на́ша.
Кондак, глас 4
Подвиза́вся, а́нгел на земли́ ви́ден был еси́, озаря́я, преподо́бне, помышле́ния ве́рных богозна́меньми всегда́: те́мже тя ве́рою, Сисо́е, почита́ем.
Ин кондак, глас 8
Я́ко безпло́тным единожи́тель и всем преподо́бным соприча́стник, по́стническими труды́ и бде́нии моли́твенными непреста́нно себе́ вооружа́я, му́дре, тем и дар прия́л еси́ от Бо́га исцеля́ти неду́ги и прогоня́ти бе́сы. Того́ ра́ди вопие́м ти: ра́дуйся, о́тче наш Сисо́е преподо́бне.
Величание
Ублажа́ем тя, преподо́бне о́тче Сисо́е, и чтим святу́ю па́мять твою́, наста́вниче мона́хов и собесе́дниче а́нгелов.
