🧿Шепотки и заговоры🧿
MAX ·
МОЛИТВА ПРОРОКУ САМУИЛУ ЧИТАЕМАЯ В ДЕНЬ ПАМЯТИ 2 СЕНТЯБРЯ
Тропарь, глас 2
Дар многоче́стен дан бысть непло́дней утро́бе и принесе́н в же́ртву, я́ко всесожже́ние благоприя́тно, Го́сподеви своему́, послужи́в Тому́ в преподо́бии и пра́вде, тем тя почита́ем, проро́че Бо́жий Саму́иле, я́ко моли́твенника о душа́х на́ших.
Ин тропарь, глас 5
От ма́тере умоле́нный, тезоимени́те да́ния Бо́жия, от Бо́га зва́ния во младе́нчестве сподо́бися, честны́й проро́че Саму́иле, до́бре пасы́й непокори́выя лю́ди и царе́м яви́выйся устрои́тель, и о нас, ве́рно чту́щих тя, моли́ И́стиннаго Бо́га, да спасе́т ду́ши на́ша.
Ин тропарь, глас 2
Проро́ка Твоего́ Саму́ила па́мять, Го́споди, пра́зднующе, тем Тя мо́лим: спаси́ ду́ши на́ша.
Кондак, глас 8
Я́ко многоче́стный дар, пре́жде зача́тия вдан Бо́гу, и измла́да Тому́, я́ко Áнгел, послужи́л еси́, всеблаже́нне, и сподо́бился еси́ предбу́дущая веща́ти. Те́мже вопие́м ти: ра́дуйся, проро́че Бо́жий Саму́иле, архиере́ю вели́кий.
Ин кондак, глас 5
Пома́зателю ца́рский, па́че же свята́го богови́дца Дави́да, вели́кий Саму́иле, потщи́ся умоли́ти о нас, да пома́жемся Свята́го Ду́ха ма́стию и бу́дем стра́нни неприя́зни, я́коже Дави́д нечи́стому ду́ху Сау́лову.
Величание
Велича́ем тя, проро́че Бо́жий Саму́иле, и чтим святу́ю па́мять твою́, ты бо мо́лиши за нас Христа́ Бо́га на́шего
✏ Ссылка на канал
