МОЛИТВА ПРЕПОДОБНОМУ ИОВУ, УЩЕЛЬСКОМУ ЧУДОТВОРЦУ ЧИТАЕМАЯ В ДЕНЬ ПАМЯТИ 18 АВГУСТА
"О преподобне и богоносне отче наш Иове! Велие имея к Богу дерзновение, молися непрестанно о всех нас, зане буря многих бед и скорбей обдержит ны: се бо недузи телеснии, болезни душевныя, приражения вражия обуревают ны. Ходит бо враг наш, иский кого поглотити: мы же о спасении нашем нерадяще, несмы достойни ниже воззрети на высоту небесную, ни Господа в помощь свою призвати. Но ты буди нам помощник во спасение скорый и от зол избавитель неодолимый. Подаждь нам память смертную, слезы покаяния и надежду спасения, да не в отчаяние впадем, ниже дерзостным на милосердие Божие упованием, во гресех же пребыванием, в конец себе погубим: но да будет нам память грехов наших во источник теплых слез и сокрушения сердечнаго, милосердие же Божие и благодать Его во спасение наше, молитвами твоими, да подастся нам твоим чадом, во веки веков. Аминь"
Ссылка на канал
