🧿Шепотки и заговоры🧿
MAX ·
МОЛИТВА ПРЕСВЯТОЙ БОГОРОДИЦЕ ПРЕД ИКОНОЙ ЕЕ «ВАЛААМСКАЯ» ЧИТАЕМАЯ В ДЕНЬ ПАМЯТИ 14 ИЮЛЯ
Тропарь, глас 4
Богоро́дице Де́во, на Твою́ ико́ну пресве́тлую взира́юще, ра́дуемся, пред не́ю бо на о́строве Валаа́ме мольбы́ усе́рдно моля́щихся исполня́ются; услы́ши, Пречи́стая, и на́с моля́щих Ти́ ся́, утверди́ на́с в ве́ре и любви́, и испроси́ ми́рови ми́р и душа́м на́шим ве́лию ми́лость.
Ин тропарь, глас 4
К Богоро́дице приле́жно ны́не притеце́м и к Ея́ ико́не чудотво́рней припаде́м и возопие́м Ей: о Пречу́дная Влады́чице Богоро́дице, ско́рое нам яви́ заступле́ние и по́мощь, зе́млю на́шу ми́ром огради́, ускори́ от вся́ких бед изба́вити ны по вели́цей Твое́й ми́лости.
Ин тропарь, глас 4
Днесь све́тло красу́ется оби́тель Валаа́мская, и вси ве́рнии в земли́ Росси́йстей духо́вно торжеству́ют, прославля́юще чудотво́рную ико́ну Твою́, Влады́чице, к не́йже ны́не мы притека́юще с любо́вию глаго́лем си́це: о Пречи́стая Де́во Богоро́дице, моли́ Сы́на Своего́ Христа́ Бо́га на́шего, да изба́вит оби́тель сию́ и вся гра́ды и ве́си страны́ на́шея, от всех наве́т вра́жиих и спасе́т ду́ши на́ша я́ко Милосе́рд.
Кондак, глас 8
Избра́нной Воево́де, Влады́чице на́шей Богоро́дице, похва́льныя пе́сни прино́сим, прославля́юще чудотво́рную Ея́ ико́ну, на о́строве Валаа́ме я́вльшуюся. Ты же, я́ко иму́щая Держа́ву непобеди́мую, от вся́ких бед и печа́лей изба́ви страну́ Росси́йскую и сотвори́ мольбу́ за вся́ лю́ди пою́щия Тебе́: Ра́дуйся, Неве́сто Неневе́стная.
Величание
Велича́ем Тя, Пресвята́я Де́во, Богоизбра́нная Отрокови́це, и чтим о́браз Твой святы́й, и́мже то́чиши исцеле́ния всем с ве́рою притека́ющим.
✏ Ссылка на канал
