ПСАЛОМ 45 ДЛЯ ЗАЩИТЫ ОТ ТЕМНЫХ СИЛ
"Бог нам Прибе́жище и Си́ла, Помо́щник в ско́рбех, обре́тших ны зело́.
Сего́ ра́ди не убои́мся, внегда́ смуща́ется земля́ и прелага́ются го́ры в сердца́ морска́я.
Возшуме́ша и смято́шася во́ды их, смято́шася го́ры кре́постию Его.
Ре́чная устремле́ния веселя́т град Бо́жий: освяти́л есть селе́ние Свое́ Вы́шний.
Бог посреде́ его, и не подви́жится: помо́жет ему Бог у́тро зау́тра.
Смято́шася язы́цы, уклони́шася ца́рствия: даде́ глас Свой Вы́шний, подви́жеся земля́.
Госпо́дь сил с на́ми, Засту́пник наш Бог Иа́ковль.
Прииди́те и ви́дите дела́ Бо́жия, я́же положи́ чудеса́ на земли́:
отъе́мля бра́ни до коне́ц земли́, лук сокруши́т и сло́мит ору́жие, и щиты́ сожже́т огне́м.
Упраздни́теся и разуме́йте, я́ко Аз есмь Бог: вознесу́ся во язы́цех, вознесу́ся на земли́.
Госпо́дь сил с на́ми, Засту́пник наш Бог Иа́ковль."
✏ Ссылка на канал
