МОЛИТВА МУЧЕНИКАМ МАНУИЛУ, САВЕЛУ И ИСМАИЛУ ЧИТАЕМАЯ В ДЕНЬ ПАМЯТИ 30 ИЮНЯ
Тропарь, глас 4
Му́ченицы Твои́, Го́споди, во страда́ниих свои́х венцы́ прия́ша нетле́нныя от Тебе́, Бо́га на́шего: иму́ще бо кре́пость Твою́, мучи́телей низложи́ша, сокруши́ша и де́монов немощны́я де́рзости. Тех моли́твами спаси́ ду́ши на́ша.
Кондак, глас 2
Ве́рою Христо́вою уя́звлени, всеблаже́ннии, и сего́ ве́рно испи́вше ча́шу, пе́рсская служе́ния и де́рзость на зе́млю низложи́сте, Тро́ицы равночи́сленнии, моли́твы творя́ще о всех нас.
Величание
Велича́ем вас, страстоте́рпцы святи́и Ману́иле, Саве́ле и Исма́иле, и чтим честна́я страда́ния ва́ша, я́же за Христа́ претерпе́ли есте́.
✏ Ссылка на канал
