МОЛИТВА СОБОРУ РЯЗАНСКИХ СВЯТЫХ ЧИТАЕМАЯ В ДЕНЬ ПАМЯТИ 23 ИЮНЯ
Тропарь, глас 8
Святи́и вси в земли́ Ряза́нстей и Му́ромстей просия́вшии, при́снии на́ши моли́твенницы и засту́пницы, моли́те Влады́ку Христа́ Бо́га на́шего мир вселе́нней дарова́ти и душа́м на́шим ве́лию ми́лость.
Кондак, глас 8
Я́ко многосве́тлыя зве́зды, от гра́да Ряза́ни возсия́вшии, уго́дницы Христо́вы, Правосла́вия охрани́тели и благоче́стия учи́тели, при́сные на́ши засту́пницы мо́лим вас, за ны Христу́ Бо́гу и Пречи́стей Его́ Ма́тери моли́теся, да благода́рною душе́ю зове́м: ра́дуйтеся, святи́и вси, в земли́ Ряза́нстей просия́вшии.
Величание
Велича́ем вас, святи́и вси, в земли́ Ряза́нстей просия́вшии, и чтим святу́ю па́мять ва́шу, вы бо мо́лите за нас Христа́ Бо́га на́шего.
✏ Ссылка на канал
