МОЛИТВА ПРЕПОДОБНЫМ ВИССАРИОНУ ЕГИПЕТСКОМУ И ИЛАРИОНУ НОВОМУ ЧИТАЕМАЯ В ДЕНЬ ПАМЯТИ 19 ИЮНЯ
Тропарь, глас 4
Бо́же оте́ц на́ших, творя́й при́сно с на́ми по Твое́й кро́тости, не отста́ви ми́лость Твою́ от нас, но моли́твами их в ми́ре упра́ви живо́т наш.
Кондак Виссариону Египетскому, глас 2
Вы́шних сил подража́в, преподо́бне, о́бразом птиц житие́ пожи́л еси́, вре́менная в забы́тии положи́в, непреста́нным жела́нием влеко́м к Небе́сным добро́там Христа́ Царя́, до́ндеже Того́ дости́гл еси́, Висарио́не, моли́ непреста́нно о всех нас.
Кондак Илариону Новому, глас 2
Огра́ды живоно́сныя Твоея́ па́жити, па́стырски невреди́мо ста́до соблю́л еси́ и яви́лся еси́ высото́ю дел вели́к, но́вый Иларио́не, по благоче́стии мно́ги му́ки и ско́рби прие́м: тем во всера́достный живо́т всели́вся Го́рняго Сио́на, моли́ за ны, преподо́бне.
Величание
Ублажа́ем вас, преподо́бнии о́тцы Виссарио́не и Иларио́не, и чтим святу́ю па́мять вашу, наста́вницы мона́хов и собесе́дницы а́нгелов.
✏ Ссылка на канал
