МОЛИТВА ПРЕСВЯТОЙ БОГОРОДИЦЕ ПЕРЕД ИКОНОЮ «УМЯГЧЕНИЕ ЗЛЫХ СЕРДЕЦ» ЧИТАЕМАЯ В ДЕНЬ ПАМЯТИ 7 ИЮНЯ
"О кто не ублажи́т Тя, Де́во Благода́тная, кто не воспое́т Твое́ милосе́рдие к ро́ду челове́ческому. Тебе́ мо́лимся, Тебя́ про́сим: не оста́ви нас, во зле погиба́ющих, раствори́ любо́вию сердца́ на́ша и ко врага́м на́шим пошли́ стрелу́ Свою́, да уязвля́ет сердца́ на́ша ми́ром к гоня́щим нас. А́ще мир нас ненави́дит — Ты простри́ любо́вь Свою́ к нам, а́ще мир нас го́нит — Ты приими́ нас. Пода́ждь нам Благода́тную си́лу терпе́ния — без ро́пота перенести́ испыта́ния, в ми́ре сем быва́емая. О Госпоже́! Умягчи́ сердца́ злых челове́ков, восстаю́щих на нас, да не поги́бнут сердца́ их во зле, но умоли́, Благода́тная, Сы́на Твоего́ и Бо́га на́шего, да умири́т сердца́ их ми́ром, диа́вол же — оте́ц зло́бы — да посрами́тся! Мы же, воспева́юще милосе́рдие Твое́ к нам, злым, непотре́бным, воспое́м Ти, о Пречу́дная Госпоже́ Де́во Благода́тная: услы́ши нас в час сей, сокруше́нная сердца́ иму́щих, огради́ нас ми́ром и любо́вию друг ко дру́гу и ко враго́м на́шим, искорени́ от нас вся́кую зло́бу и вражду́, да воспое́м Тебе́ и Сы́ну Твоему́, Го́споду Иису́су Христу́ на́шему: Аллилу́иа! Аллилу́иа! Аллилу́иа!"
✏ Ссылка на канал
