МОЛИТВА ПРЕПОДОБНОМУ ИОСИФУ ОПТИНСКОМУ ЧИТАЕМАЯ В ДЕНЬ ПАМЯТИ 22 МАЯ
Тропарь, глас 2
Послужи́в ста́рцу твоему́ преусе́рдно, дарова́нии духо́вными оби́льно испо́лнился еси́ и, я́ко свети́льник верху́ горы́ укры́тися не могу́щий, благообра́зне Ио́сифе преподо́бне, мона́шествующим и мирски́м наста́вник до́брый и предста́тель те́плый яви́лся еси́, те́мже моли́ Человеколю́бца Христа́ и Засту́пницу Усе́рдную, спасти́ся душа́м на́шим.
Кондак, глас 3
Кро́тостию и незло́бием украси́вся и целому́дрием в ле́поту оде́явся, тьму страсте́й прогна́л еси́, светолу́чныя же испуща́я, о́тче, моли́твы, яви́лся еси́ ста́рчества О́птинскаго похвала́ и изря́ден наста́вник мона́хов, те́мже вси зове́м ти: ра́дуйся, богоно́се ста́рче Ио́сифе.
Величание
Ублажа́ем тя, преподо́бне о́тче Ио́сифе, и чтим святу́ю па́мять твою́, наста́вниче мона́хов и собесе́дниче Ангелов.
✏ Ссылка на канал
