МОЛИТВА ПРЕПОДОБНЫМ САВВЕ И АЛЕКСИЮ ЗАТВОРНИКУ, ПЕЧЕРСКИМ ЧИТАЕМАЯ В ДЕНЬ ПАМЯТИ 7 МАЯ
Тропарь, глас 3
Преблаже́ннии и Богоно́снии отцы́ на́ши Са́вво и Алекси́е, я́ко стяжа́вшии дерзнове́ние ко Го́споду равноа́нгельным свои́м житие́м, его́же ра́ди обогати́ Христо́с нетле́нием и чудесы́ мо́щи ва́ша, мо́лим вас приле́жно: испроси́те душа́м на́шим очище́ние и ве́лию и бога́тую ми́лость.
Кондак, глас 4
Бога́тство благода́ти и сыноположе́ния стяжа́сте мно́гими по́двиги и доброде́тельми, и́хже ра́ди Христо́с всели́ ду́ши ва́ша в Небе́сныя селе́ния Своя́, дарова́в благода́ть нетле́ния и чуде́с моще́м ва́шим, сего́ ра́ди вопие́м вам: ра́дуйтеся, Са́вво и Алекси́е, лико́в и́ноческих похвале́ и украше́ние
✏ Ссылка на канал
