МОЛИТВА ПРЕПОДОБНОМУ ДАНИИЛУ ПЕРЕЯСЛАВСКОМУ ЧИТАЕМАЯ В ДЕНЬ ПАМЯТИ 20 АПРЕЛЯ
Тропарь, глас 3
От ю́ности, блаже́нне, всего́ себе́ Го́сподеви возложи́в, вы́ну повину́яся Бо́гу, проти́вяся же диа́волу, стра́сти грехо́вныя победи́л еси́, тем сам храм Бо́жий быв, и оби́тель кра́сну во сла́ву Пресвяты́я Тро́ицы воздви́гнув и со́бранное тобо́ю в ней ста́до Христо́во Богоуго́дно упа́с, преста́вился еси́ к ве́чным оби́телем, о́тче Дании́ле, моли́ Триипоста́снаго во еди́ном Существе́ Бо́га спасти́ся душа́м на́шим.
Кондак, глас 8
Невече́рняго Све́та пресве́тлое свети́ло, жития́ чистото́ю просвеща́ющее всех, яви́лся еси́, о́тче Дании́ле: о́браз бо и пра́вило и́ноком был еси́, сирота́м же оте́ц и пита́тель вдови́цам. Сего́ ра́ди и мы, ча́да твоя́, вопие́м ти: ра́дуйся, ра́досте и ве́нче наш; ра́дуйся, мно́гое имы́й к Бо́гу дерзнове́ние; ра́дуйся, гра́ду на́шему ве́лие утвержде́ние.
Величание
Ублажа́ем тя, преподо́бне о́тче Дании́ле, и чтим святу́ю па́мять твою́, наста́вниче мона́хов и собесе́дниче а́нгелов.
✏ Ссылка на канал
