МОЛИТВА СВЯЩЕННОМУЧЕНИКУ АНТИПЕ ОТ БОЛЕЗНЕЙ ЗУБОВ И ДЕСЕН
"О преславный священномучениче Антипо и скорый помощниче христианом в болезнех!
Верую от всея души и помышления, яко дадеся тебе от Господа дар болящия исцеляти, недугующия врачевати и разслабленныя укрепляти.
Сего ради к тебе, яко благодатному врачу болезней, аз, немощный(ая), прибегаю и, твой досточтимый образ с благоговением лобызая, молюся: твоим предстательством у Царя Небеснаго испроси мне, болящему(щей), исцеление от удручающия мя болезни дёсен (и зубов).
Аще бо и недостоин(на) есмь тебе, благостнейшаго отца и приснаго заступника моего, но ты, быв подражатель человеколюбия Божия, сотвори мя достойна(ую) твоего заступления чрез мое обращение от злых дел к благому житию.
Уврачуй обильно дарованною тебе благодатию язвы и струпы души и тела моего, даруй ми здравие и спасение и во всем благое поспешение, да, тако тихое и безмолвное житие пожив во всяком благочестии и чистоте, сподоблюся со всеми святыми славити всесвятое имя Отца и Сына и Святаго Духа.
Аминь."
✏ Ссылка на канал
