🧿Шепотки и заговоры🧿
MAX ·
МОЛИТВА ПРЕПОДОБНОМУЧЕНИКУ ИОАСАФУ, ПЕРВОИГУМЕНУ ОБИТЕЛИ СНЕТОГОРСКОЙ ЧИТАЕМАЯ В ДЕНЬ ПАМЯТИ 17 МАРТА
"О свяще́нная главо́, преподобному́чениче о́тче наш Иоаса́фе, земны́й А́нгеле и Небе́сный челове́че, изве́стное воздержа́ния пра́вило, одушевле́нный терпе́ния сто́лпе, му́ченическою кончи́ною житие́ твое́ увенча́вый, услы́ши ны́не нас, тебе́ усе́рдно моля́щихся, и яви́ нам, смире́нным и гре́шным, любо́вь оте́ческую и многомо́щное твое́ заступле́ние.
Испроси́ моли́твами твои́ми у Христа́ Бо́га вся, я́же на по́льзу душа́м и телесе́м на́шим: ве́ру пра́ву, наде́жду спасе́ния несумне́нну, любо́вь нелицеме́рну, во искуше́ниих му́жество, в моли́твах постоя́нство, душа́м и телесе́м здра́вие, мир во днех на́ших и благослове́ние на вся блага́я дела́ и начина́ния на́ша, да не во зло обрати́м дары́ Бо́жии, но во сла́ву и́мене Его́ Свята́го и в прославле́ние твоего́ о нас хода́тайства.
Не забу́ди, о́тче, и оби́тель твою́ святу́ю, тобо́ю созда́нную, и соблюди́ ю́ и всех, живу́щих и подвиза́ющихся в ней, от искуше́ний диа́вольских и вся́каго зла.
Приходя́щим же и моля́щимся тебе́ с ве́рою, бу́ди помо́щник и хода́тай, избавля́я от вся́ких бед и скорбе́й.
Моли́, о́тче наш, Ми́лостиваго Бо́га, да отпу́стит нам прегреше́ния и сподо́бит нас наслажда́тися ра́дости ве́чныя ку́пно с тобо́ю и все́ми святы́ми во ве́ки веко́в. Ами́нь."
✏ Ссылка на канал
