МОЛИТВА СВЯЩЕННОМУЧЕНИКУ СИЛЬВЕСТРУ АРХИЕПИСКОПУ ОМСКОМУ ЧИТАЕМАЯ В ДЕНЬ ПАМЯТИ 10 МАРТА
"О предивный угодниче Христов, священномучениче Сильвестре! Со умилением преклонше колена пред честными цельбоностными мощами твоими (святым образом твоим), хвалим, славим и величаем прославльшаго тя Бога, нам недостойным даровавшаго заступника тя и ходатая. Ему же ты с лики новомучеников Российских и всех Небесных Сил предстоиши. Умоли Господа, да утвердит во святей стране Российстей живый дух православныя веры и благочестия, да вселит в земли Сибирстей любовь пламенеющую к вере отечестей; наипаче же оградит нас всесильною рукою Своею от раскольнических лжеучений и ересей. Да подаст людем дух покаяния в богоотступлении и служении суетам мира сего; всем же нам дарует дух смирения, кротости и послушания. Да препояшет ны благодатию Своею и утвердит во брани за спасение наше. Емуже подобает всякая слава, честь и поклонение Отцу и Сыну и Святому Духу, ныне и присно и во веки веков. Аминь"
✏ Ссылка на канал
